VVPAT slips : SC-in affidavit thehlut turin eptu party te hun pe

Supreme Court chuan nimin khan eptu party te chu Election Commission-in VVPAT slip chungchanga affidavit a thehlut chungchang chu chhang turin kar khat hun a pe. 

Eptu party 21-te chuan SC-ah hian petition  thehlutin, Lok Sabha inthlanna neih tura hman tel tur,Voter Verifiable Paper Audit Trail (VVPAT) slip chu assembly tinah 50% tal enfiah vek turin an phut a ni.

Chief Justice Ranjan Gogoi-a kaihhruai bench chuan eptu hruaitute aiawha ding, senior advocate AM Shingvi hnenah karleh Thawhṭanni-ah an chhanna thehlut turin a hriattir a ni. 

Election Commission chuan eptu pawlte petition thehluh hi hnawl turin kar kalta Zirtawpni khan court hi a ngen a, tuna an kalpui mek assembly constituency tina polling booth pakhat ṭheuha VVPAT slip endik ṭhin chu eptu lam pawh hian a ṭhat lohna sawi tur an hre lo niin a sawi.

An system hman mek chu an zirchian leh enchhin hnuah a la ṭha ber nia an ngaih thu a sawi a ni. Hei bakah hian constituency tina VVPAT slip 50% zet endik a nih chuan hun a duh rei dawn a, ni ruk tal hun hman a ngaih phah dawn niin a sawi.