ISRO in EMISAT satellite kapchhuak

Indian Space Research Organisation (ISRO) chuan nimin khan India siam EMISAT satellite chu Sriharikota aṭangin a kapchhuak. Hemi rual hian foreign nano satellite 28 kahchhuah tel a ni bawk. 

Kg 436-a rit, EMISAT hi hmelma radar manna kawnga puitu tur a ni a, early warning system a ni tel dawn bawk. 

EMISAT leh foreign satellite 28 phurtu PSLV-C45 hi nimin zing dar 9.27 khan Sriharikota-a Satish Dhawan Space Centre aṭangin kahchhuah a ni a, kahchhuah aṭanga minute 17 hnuah PSLV hian EMISTA hi orbit-ah a han dah a ni. 

ISRO chairman K Sivan chuan mission hlawhtling taka an neih theih avangin ISRO team chu lawmpuina a hlan nghal a, kumin chhungin msision 30 vel neih an tum tih sawiin, heng zingah hian Risat, Cartosat 3 leh Chandarayaan-2 te kahchhuah an tum tel dawn tih a sawi.