India space missile test-ah NASA lawm lo

Tunhnaia India-in Mission Skhati hnuaia anti-satellite missile enchhin a, live satellite a kahthlak chungchangah US independent agency, National Aeronautics and Space Administration (NASA ) a lawm lo a, India-in satellite a kahthlak vang chuan van boruakah bawlhhlawh hlawm 400 vel a siam phah niin thil ṭha lo tak a ni, a ti. 

NASA Administrator Jim Bridenstine chuan khawvel heltu boruak, orbit-ah bawlhhlawh tam tak a hnutchhiah chuan International Space Station (ISS) dinhmun a tiderthawng hle  niin a sawi. Satellite kahchhiatin bawlhlawh a hnutchhiah hlawm 60 chu chhui a ni tawh tih sawiin, heng zinga 24 chuan ISS chunglam an pan mek niin a sawi bawk. Heng bawlhlawh hlawm zawng zawng hi chhui vek theih a ni lo tih a sawi.