Mayawati-in mipuite duh vanga a lim din a nih thu sawi

Uttar Pradesh Chief Minister hlui leh Bahujan Samaj Party (BSP) hruaitu Mayawati-i chuan Uttar Pradesh state chhung hmun hrang hranga ama lim siam a nihna chhan chu mipuite duhdan anih vang a ni tiin Supreme Court-ah a insawifiah. 

Mayawati-in chief minister a nih laia hmun hrang hranga a lim leh an party symbol, sai lim a siam chungchangah Supreme Court-ah complaint thehluh a ni a, court chuan heng lim a siamna atana sorkar sum a hmante chu a rulh leh vek a ngai dawn niin a lo sawi tawh a ni. Hemi hnua Supreme Court-ah affidavit a thehluhah Mayawati chuan mipuite duhdan a nih vanga lim hi siam a nih thu a sawi a ni. 

Chief minister a nih laia Lucknow, Noida leh khawpui dang eng emaw zat paruk-a lim siamna atan hian Mayawati hian cheng vaibelchhe 2,600 vel zet a hmang a ni. Mayawati chuan milim siamna atana sum hmante hi BSP mi leh sate sum thawhkhawm niin a sawi a, mahse state vigilance department chuan heng milim siamna atana sorkarin sum a hloh hi cheng vaibelchhe 111 tling niin a sawi thung.