India-in Nepal sipaite tan Covid-19 Vaccine a pe

India chuan a ṭhenawm ram Nepal nena an inṭhian ṭhatna leh inkungkaihna ṭha an neihzia lantirna turin Nepal sipaite tan Covdi-19 vaccine dose nuai khat a pe.

Pathianni khan heng vaccine-te hi Nepal-ah hian thawnin Air India hmangin a thawn a, Pathianni tlaiah khan Kathmandu a thleng nghal. India-in vaccine a thawn hi Covishield vaccine niin Serum Institute of India (SII) siam a ni.

Nepal Army thupuangtu Santosh Ballav Paudel chuan Pathianni tlaiah khan hemi chungchang hi a twitter-ah tarlangin,"Covid-19 hripui dona kawnga min puihna turin, Nepal sipaite tana India sipaite'n vaccine dose nuai khat an rawn thawn chuan Kathmandu a thleng.

Ni rei lote hnunah formal-a inhlanna hun hman a ni ang," a ti. Nepal hian thla tir lamah pawh khan India siam Covid-19 vaccine dose 3,48,000 chu a lo dawng tawh bawk a, hei hi  COVAX initiative hnuaia an dawn niin COVAX hnuaiah hian Nepal hian May thla tawpah hi chuan vaccine dose maktaduai 1.92 an dawn hman beisei a ni.

India hnen aṭang hian a hma pawhin Covishield vaccine dose maktaduai khat a lo dawng tawh bawk.