UAE-in Prime Minister Modi hnenah civil chawimawina sang hlan

United Arab Emirates (UAE) sorkar chuan Prime Minister Narendra Modi chu civil mite hnena chawimawina a pek sang ber, Zayed Medal a hlan. He chawimawina hi president, lal leh ram khat hotute hnena a hlan ṭhin a ni.

Nimin khan UAE President Khalifa bin Zayed bin Sultan Al Nahyan chuan PM Modi hnenah Zayed Medal hi a hlan a ni. He chawimawina hi Modi-an ram pahnihten inlaichinna ṭha leh zau zawk an neih theihnana a thawhhlawk avanga hlan an ni tih a sawi. UAE chuan India nen chuan hun rei tawh tak aṭangin inzawmna ṭha tak an lo nei tawh ṭhin a, Modi hian he inzawmna hi a rawn tinghet zual a ni, a ti.

Zayed Medal lo dawng tawhte chu Russia President Vladimir Putin (2007), China Premier Xi Jinping (2018), Queen Elizabeth (2010) leh King of Saudi Arabia Salman bin Abdulaziz Al Saud (2016) te an ni.