PM Modi film tlangzarh tur dang rih April 8-ah Congress hruaitu ngenna thehluh ngaihtuah dawn

Supreme Court chuan Prime Minister Narendra Modi-a chanchin film-a siam, 'PM Narendra Modi' vawiina tlangzarh tum chu a tichhuak rih lo turin a dang.

Congress party thpuangtu advocate Aman Panwar chuan Lok Sabha inthlanpui neih dawna PM Modi-a film tihchhuah tum hi BJP campaign-na peng pakhat nia sawiin, hei hian inthlan thianghlim leh fel fai taka neih tur a nghawng chhe thei dawn niin a sawi. Hei vang hian Supreme Court hnenah PM Modi film chu inthlanpui neih zawh hma chu tlangzarh phal lo turin a ngen a ni.

Jutice SA Bodbe kaihhruai Supreme Court bench chuan Congress hruaitu ngenna thehluh hi karleh Thawhṭannia-a ngaihtuah a remti a, hei vang hian vawiina film tlangzarh tum pawh a dang ta rih a ni.

Hetihla hian Nilaini khan Madhya Pradesh High Court chuan PM Modi film tlangzarh tum dang tura ngenna chu a hnawlsak a, Bombay High Court pawhin film tihchhuah phal lo tura ngenna thehluh chu Election Commission lam buaipui tur zawk a ni tiin a hnawlsak bawk.