LS Speaker-in inthlanah chuh dawn lo

Lok Sabha speaker nilai, BJP hruaitu Sumitra Mahajan-i chuan Lok Sabha inthlana din a duh tawh lo tih a sawi.

Sumitra Mahajan-i hi Madhya Pradesh-ah Indore bial aṭanga ding turin a inbeisei a, mahse party lamin he biala candidate dah tur puan hi an tihkhawtlai zel avangin inthlana chuh hi a tum loh phah ta tih a sawi.

Kum 75 mi Mahajan-i chuan "BJP chuan Indore candidate tur hi tun thlengin a la puang lo a, thutlukna an la siam fel theih loh vang a ni maithei a ni. Party senior leader-te nen pawh he bial chungchang hi kan lo sawiho tawh a, thutlukna siam turin an kutah ka dah a ni. Tun thlengin an la inngaihtuah buai hle niin a lang. Hei vang hian inthlana chuh pawh hi ka duh tawh lo a ni", a ti. BJP chuan Indore biala candidate tur chu an duh tak an thlang thei ang tih a sawi.

Mahajant-i hian MP term riatna a hmang mek a, Parliament-ah hmeichhe MP ni rei thei ber a ni mek bawk.

BJP hian party hruaitu hlun LK Advani te, Murli Manohar Joshi-te chu kumin inthlanpui neih turah hian candidate aṭangin an lo paih tawh a ni.