S Jaishankar leh Ashraf Ghani-te'n inbiakna an nei

Union external affairs minister S Jaishankar leh Afghanistan president Ashraf Ghani-te chuan Thawhṭanni khan inbiakna an nei a, Afghan peace process chungchang an sawi.

S Jaishankar leh Ashraf Ghani-te hi Heart of Asia - Istanbul Process conference vawi kuana hmang turin Dushanbe-ah an zin a, hetah hian inbiakna hi neiin inbiakna an neih thu hi Jaishankar chuan a twitter-ah tarlang a, Afghan president nen Heart of Asia - Istanbul Process conference hmaa inbiakna an neih thu leh remna chungchangte an sawi thu a tarlang.

Heart of Asia- IP Con­ference hi Tajikistan chuan a thleng a ni.

Kar hmasa lamah khan Afghan foreign minister Haneef Atmar chuan India a rawn tlawh ve bawk a, hetah pawh hian Jaishankar hi inbiakna a neihpui bakah NSA Ajit Doval pawh inbiakna a neihpui bawk.