French Naval Exercise-ah Indian Navy-te tel dawn

French Naval Exercise, Bay of Bengal-a thla leha neih turah India lawng sipaite pawh an tel dawn a, he hunah hian Quadrilateral Security Dialogue (QUAD) ramte an tel ang.

Exercise hi April 5 leh 7 inkarah neih French kaihhruaina hnuaiah neih a ni dawn a, India bakah hian Australia, Japan leh US-te chu an tel dawn a ni.

France Naval Exercise hi La Perouse tih niin India hi La Perouse-a a tel vawi khatna tur a ni a, India-French Varuna exercise pawh neih a nih dawn bakah tun ṭumah hian United Arab Emirates pawh an tel dawn niin an tarlang.

Kum 1998-a India nuclear enchhin France-in a thlawp aṭang khan an India leh France inkar boruak hi a ṭhat chhunzawm zel a, khami ṭum khan khawthlang ram tam takin India hrek a duh laiin France hian India hi a thlawp a ni.