F-16 AMRAAM missile them chhar sawifiah turin phut

US magazine, 'Foregin Policy' report-in kumin February 27-a Indian Air Force (IAF) ten Pakistan F-16 fighter jet an kahthlak sak nia an sawi chu US-in Pakistan F-16 neih zat a endik hnuah kim lo a awm lo niin a tarlan chu thu dik lo niin Defence Minister Nirmala Sitharaman-i chuan a sawi.

February 27-a Pakistan leh India fighter jet-te inbeih ṭum khan Pakistan Air Force F-16 jet pakhat chu IAF Wing Commander, MiG-21 Bison khalhtu Abhinandan Varthaman chuan a kapthla nia sawi a ni. Defence Minister chuan F-16 jet chauha hman ṭhin,AMRAAM missile part ṭhenkhat India rama chhar a nih chungchang chu sawifiah turin magazine reporter-te chu a phut thu a sawi. Hetianga report an siam hma hian thil dik tak leh rintlak a ni em tih enfiah hmasa turin a ti.