Facebook-a political ad tihnan Rs vbch 10 seng tawh BJP-in sum seng hnem ber

Lok Sabha inthlanpui neih tura atan social media platform Facebook chu campaign-na pakhat atan party hrang hrangten an hmang nasa hle. Kumin February - March thla chhung khan political party hrang hrangten Facebook-a advertisment tihnaa an sum sen chu cheng vaibelchhe 10 chuang a tling.

Facebook Ad Library Report-in a tarlan danin, February - March thla chhung khan political ads 51,810 an tichhuak tih sawiin, heng zinga a tam ber chu BJP leh a thlawptute lam tihchhuah a ni. March 23 thlenga BJP lamin Facebook kaltlanga advertisement an tihchhuah hi 41,974 zet niin, hemi atana an sum sen hi cheng vaibelchhe 8.58 a ni.

BJP hian ‘Bharat Ke Mann Ki Baat’ page chu political advertisement tihchhuah hnem ber niin, thla hnih chhung hian ads 3,700 chuang, cheng vaibelchhe 2.23 man an tichhuak a ni. Hei bakah hian BJP hian page dang, 'My First Vote for Modi' leh 'Nation with NaMo' page-ahte advertisement 1,100 vel tichhuakin, cheng nuai 36.2 chuang an seng bawk.

Indian National Congress (INC) page chuan ads 410 tichhuakin, thla hnih chhung hian hemi atan hian cheng vaibelchhe 5.91 an seng. Biju Janata Dal chuan cheng nuai 8.56, Telegu Desam Party (TDP) in Rs nuai 1.58 leh Nationalist Congress Party (NCP) in Rs 58,355 an seng tawh bawk a ni.