Delhi civic body Rs vbch 25 chawi turin ti

National Green Tribunal (NGT) chuan Delhi-a civic body-te chu khawpui chhunga air pollution nasa zel an ven theih loh vangin cheng vaibelchhe 25 chawi turin a ti.

NGT hian nikum December thla khan Delhi-a cheng mi pahnih, Satish Kumar leh Mahavir Singh-ten petiton an thehluh behchhanah Delhi sorkar hremna tur a lo tichhuak tawh bawk. Petition thehluttute hian Delhi hmar leh hmarthlang lam bial, pheikhawk siamna factory tamna hmunah plastic, leather, rubber leh bawlhhlawh dang halte chuan air pollution hi an siam niin an sawi a ni.

Delhi sorkar hnuaia urban development department principal secretary Raajiv Yaduvanshi chuan Delhi north leh south municipal corporation-te hnenah pawisa hi chawi turin a hriattir. Yaduvanshi chuan Plastic Waste Managment Rules (2016) Clause 6 hnuaiah local body-te chu infastructure din, plastic din leh tihral kawngah mawhphurtu nia sawiin, pawisa chawi tur pawh hi an chawi a ngai a ni, a ti. North body chu Rs vch 18 chawi tura tiin, south lam chu Rs vbch 7 chawi turin a ti a ni. Civic body-te chu plastic chhia tihralna kawnga hlawhchhamah a puh zui bawk.