CBI-in Lalu Prasad bail dilna dodal

Bharatiya Janata Party (BJP) chuan Thawhṭanni khan Lok Sabha inthlanpui neih tura an party election manifesto an tlangzarh a, an thil tih tum hrang hrang an tarlan zingah Jammu and Kashmir hnena special status pekna, Constitution -a Article 370 leh 35A chu ṭhiah an tiam. Hei hi J&K-a political party hrang hrang hruaitute chuan na takin an sawisel nghal.

J&K chief minister hlui leh Peoples Democratic Party (PDP) hotu Mehbooba Muftii chuan special status an neihna ṭhiah tumna chu an state-ah nghawng pawi tak a nei dawn tih a sawi a, BJP chu hetiang thu sawi tawh lo tura tiin, an sawi lui zel a nih chuan an state chuah ni loin bial pum a nghawng pawi thei dawn a ni, a ti.

National Conference hotu Farooq Abdullah pahin BJP-in Article 370 an tihbo a nih chuan an state tan an duh anga awm turin zalenna a pe dawn niin a sawi. Article 370 hi in ṭhiat a nih chuan, mipuite hi a ngawi mai mai lo ang tiin, hei hi India ram aṭanga an zalenna niin a sawi.

State CM hlui Omar Abdullah pawhin tunhnaiah State Governor Satya Pal Malik-an Article 370 leh 35A te ṭhiah tumna a awm lo a, hlauhthawn tura awm lo tiin mipuite a hrilh a, state party-ten hemi chungchang an sawi pawh vote zawnna atan maia hmanga a puh niin a sawi. Mahse BJP chuan manifesto-ah heng article hi tihbo ngei tumi chiang takin an tarlang leh si a ni, a ti.