Kawngpui kharsak vangin J&K party-te court-ah zualko

Jammu and Kashmir political party-te chu civil mite tana ni hnih chhung kawngpui hman theih loha kharsak an nih vanga lungawi loin Thawhṭanni khan High Court-ah an zualko.

Kumin February thlaa J&K-a Pulwama-a CRPF convoy beih a nih vanga sipai 40 zetin nunna an chan hnuah, sorkar laipui chuan sipaite Jammy and Kashmir national highway chu sipaite hman turin nitin ni hnih civil mite hman theih lohin a kharsak a, hei hian mipuite tan harsatna a thlen nasa hle, mamawh chawkluh kawngah leh damlo hruaina thlengin a nghawng a ni.

Kum 2010-a IAS topper, political party J&K Peoples Movement a din duh vanga kumin kumtira a hna aṭanga bang, Faesal chuan sorkar laipuiin dan kalha civil mite chet velna tur khapna a siam chu Constitution Article 19 leh Article 21 bawhchhiatna a ni tih a sawi.

Peoples Democratic Party (PDP) hruaitu Naeem Akhtar pawhin highway khar a nih vang hian PIL a thehlut a, Peoples Conference chairman Sajad Gani Lone pawhin Governor Satya Pal Malik hnenah lehkha thehlutin, thupek hi sut turin a ngen.

April 7aṭang khan state sorkar chuan kum 271-a thui, J&K national highway-a kar khata hnih hnih chhung civil mite tlan khapna thupek hia hmang ṭan a, May 31 thleng hman a ni ang.