India leh US-in military exercise an nei

India ram special force-te leh US Special force-te chuan March thla chhungin Himachal Pradesh-a Bakloh-ah joint military exercise an nei tih defence ministry chuan Thawhlehni khan an puang.

Ram pahnih hian an tihdan ṭhin ṭha zualte baka joint mission planning leh operational tactic vela tawnhriat an lo neih tawhte inzir tawnna turin joint military exercise hi an nei a ni.

Defence ministry chuan," Indo-US joint special forces exercise 'Vajra Prahar 2021' vawi 11-na chu Special Forces Training School, Bakloh, Himachal Pradesh-ah March thla chhungin an nei a ni," an ti.

February thlaah pawh khan India leh US sipaite chuan Mahajan Field Firing Range, Rajasthan-ah 'Exercise Yudh Abhyas' an lo nei tawh a, hei pawh hi United Nations-in thupek a tihchhuah anga firfiak dona lam hawi thawhdunna tura an hmalakna a ni.