G7 Sherpa meeting-ah India a tel

Sherpas of Group of Seven (G7) virtual meeting vawi hnihnaah G-20 leh G7 atana India Sherpa Suresh Prabhu chu India aiawhin a tel a, India hi sawm bik ram angin a tel a ni.

G7 hi intergovernmental organisation niin Canada, France, Germany, Italy, Japan, United Kingdom leh United States-te chu member ramte niin India ram hi UK-in a sawm angin kumina Sherpa meeting an neihah hian a tel a, Australia, South Korea leh South Africa-te pawhin he meeting hi an chhim ve bawk.

External Affairs Ministry thupuangtu Arindam Bagchi chuan twitter kaltlangin Thawhlehnia neih G7 Sherpa meeting-a Shri Suresh Prabhu tel thu hi a tarlang a, COP26 Summit leh global health cooperation chungchangte sawi a nih thu a tarlang bawk a ni.

United Kingdom chuan January daih tawh khan G7 summit neih a nih huna chhim turin prime minister Narendra Modi chu an sawm thu an lo tarlang tawh a, he meeting hi June 11-14 hian Cornwall-ah neih a ni ang.