Lok Sabha election: Vawiinah state 20-ah inthlan thawh khatna nei

Lok Sabha inthlanpui chu vawiin aṭangin neih ṭan a ni. Inthlan tawh khatna hi state leh union territory 20-a seat 91-ah neih a ni a, inthlan hi thawh sarih thleng neih a ni ang.

Inthlan hi vawiin bakah April 18, 23, 29, May 6, 12 leh 19 hian neih a ni dawn a, May 23-ah result puan a ni ang.

Vawiina inthlan neihna chu Andhra Pradesh, Arunachal Pradesh, Assam, Bihar, Chhattisgarh, Jammu and Kashmir, Maharashtra, Manipur, Meghalaya, Mizoram, Nagaland, Odisha, Sikkim, Telangana, Tripura, Uttar Pradesh, Uttarakhand, West Bengal, Andaman and Nicobar Islands and Lakshadweep-ahte a ni.

Arunachal Pradesh-ah chuan Lok Sabha seat hnihah inthlan neih niin candidate 12 an awm. BJP, Congress leh People's Party of Arunachal (PPA) te chu party lian an ni a, vote thlakna tur polling centre 2202 siam a ni.

Andhra Pradesh-ah chuan bial 25-ah inthlan hi neih a ni dawn a, candidate 319 an awm. BJP, Congress, TDP, YSRC leh Jana Sena te chu party langsar an ni a, polling centre 45,920 a awm.

Assam-ah chuan constituency 5-ah vote thlak a ni dawn a, candidate 41 an awm. BJP, Congress leh AIUDF chu party lian zual an ni. Polling centre 9,574 siam a ni.

Bihar-ah chuan Lok Sabha member 4 thlan a ni dawn a, bial 4-ah hian candidate 44 an awm. BJP+JDU thawkdun, Congress leh RJD ṭangdunte chu inbei ber tur an ni a, polling centre 7,486 a awm.

Chhattigarh-ah constituency pakhat tan vote thlak a ni dawn a, candidate 7 an awm. BJP, Congress leh BSP te chu party lian an ni a, polling centre 1,878 a awm.

Jammu and Kashmir-ah chuan bial hnihah inthlan hi neih a ni dawn a, candidate 33 an awm. PDP, Congress leh JKNC thawkdun bakah JKNPP te chu party langsar te an ni. Polling centre 3,489 siam a ni.

Maharashtra-ah chuan bial 7-ah inthlan neih niin, candidate 122 an awm. BJP leh SS, Congress leh NCP te chu party lian zual an ni a, anni bakah hian SSS (Swabhimani Shetkari Sanghatan ), YSP ( Yuva Swabhimani Paksha) leh BVA an awm bawk a, mahse anni hi chuan inthlan thawh khatna hi an chuh lo thung. Polling centre 14,731 siam a ni.

Meghalaya-a bial pahnihah inthlan neih turah candidate 9 an awm. BJP, Congress, NPP leh UDP-te party lian zual an ni a, polling centre 3,167 a awm.

Manipur-a constituency pakhata inthlan neih turah candidate 8 an awm a, BJP, Congress leh NPF chu party lian an ni. Polling centre 1,300 a awm a ni.

Mizoram-ah constituency pakhat atan inthlan neih a ni dawn a, candidate 6 an awm. Congress leh ZPM thawkdun leh MNF chu party langsar zual an ni. Polling centre 1,175 a awm.

Nagaland-ah constituency pakhatah inthlan neih a ni a, candidate 4 awmin NPP leh NDPP chu party lian an ni. Polling centre 2,227 a awm.

Odisha-ah chuan constituency 4-ah vote thlak a ni dawn a, BJP, Congress leh Biju Janata Dal (BJD)-te chu inbei ber tur an ni. Vote thlakna tur polling centre 7,233 siam a ni.

Sikkim-ah chuan constituency pakhat tan candidate 11 awmin, BJP, Congress, SDF, HSP leh SKM te an awm a, polling centre 567 a awm.

Telangana-ah constituency 17-ah vote thlak a ni dawn a, candidate 443 an awm. BJP, Congress, TRS leh AIMIM te chu party lian zual an ni a, polling centre 34,603 siam a ni.

Tripura-ah constituency pakhatah inthlan hi neih niin candidate 13 an awm. BJP, Congress, CPI(M) leh TMC te an inbei dawn a, polling centre 1,679 a awm.

Uttar Pradesh-ah constituency 8-ah vote thlak a ni dawn a, candidate 96 an awm. Party lian zualte chu BJP, Congress bakah BSP, SP leh RLD ṭangrual an ni. Polling centre 16,633 a awm.

Uttarakhand-ah constituency 5-ah candidate 52 awmin, BJP, Congress leh BSP chu inbei tur langsar zual an ni. Polling centre 11,235 siam a ni.

West Bengal-ah chuan constituency pahnihah inthlan hi neih a ni dawn a, candidate 18 awmin BJP, Congress, TMC leh Left (CPM, RSP, AIFB) chu party lian zual an ni. Polling centre 3,844 siam a ni.

Andaman and Nicolar Island-ah chuan constituency pakhat awmin candidate 15 an awm. Party langsar zual chu BJP, Congress, AAP leh TMC an ni. Polling centre 406 a awm.

Laskhadweep-ah constituency pakhat tan inthlan neih a ni dawn a, candidate 6 awmin BJP, Congress leh NCP te chu inbei tur langsar an ni. Polling centre 51 a awm.