Rahul Gandhi-an Amethi bial-a ding turin nomination thehlut

Congress president Rahul Gandhi chuan nimin khan Lok Sabha inthlan neih tura Uttar Pradesh-a Amethi biala chuh turin nomination paper a thehlut.

Rahul Gandhi hian tun ṭum inthlanah hian bial pahnih aṭangin a chuh dawn a, kar hmasa Ningani khan a dinna tur bial pakhat, Kerala-a Wayanad constituency-ah chuh turin nomination hi an lo thehlut tawh a ni.

Nimina nonimation paper Rahul Gandhi-an a a thehluh dawn hian a nu Sonia Gandhi, a farnu Priyanka Gandhi Vadra leh a pasal Robert Vadra-ten an ṭawiawm a ni.

Amethi bialah hian Congress president khing tur hian BJP chuan candidate-ah union minister Smriti Irani a dah a, hei vang hian he bial hian ngaihven pawh a hlawh zual phah hle. Amethi bial hi inthlan thawh nga-na, May 6-a neih tur zingah a tel a ni.