SC-in West Bengal sorkar Rs nuai 20 chawi tir

Supreme Court chuan West Bengal sorkar chu an state chhunga “Bhobishyoter Bhoot” film tihchhuah a khap avangin cheng nuai 20 chawi turin a ti.

Justice DY Chan-drachud kaihhruai SC bench chuan state sorkar hnenah hian film producer leh cinema hall neitute right to freedom of speech and expression a palzut sak vangin pawisa hi pe turin a ti a ni.

Film producer-te hian state thuneituten an khapsak avangin theatre hrang hrangah film tihchhuah hi tihtawp a nih tih sawiin, court-ah hian complaint an thehlut a ni. March 15 khan Supreme Court chuan Bengal sorkar hnenah hian he film screening tur hi lo dang lo turin a lo hriattir tawh.

“Bhobishyoter Bhoot” film hi Anik Dutta siam niin, February 15 khan tlangzarh a ni tawh. He film-ah thlarau rual chanchin tihlan a ni a, an zingah politician-te pawh an tel. Heng thlarau rualte hi refugee camp-ah kalin an nunphung anga awm an tum dante tihlan a ni.