India ram danpui leh independence dinhmun a derthawng : Mamata

West Bengal Chief Minister Mamata Banerjee-i chuan BJP rorelna hnuaiah India ram danpui leh independence chu dinhmun derthawng takah a awm tih a sawi.

Darjeeling-a Chauk Bazaar area-a public meeting a neihnaah, Trinamool Congresss (TMC) hotu chuan BJP-in Darjeeling-a politics buaina thleng mek chu remchangah lak an tum tih a sawi a, "BJP chu inthlan laiin Darjeeling-ah buaina tipunlun zawngin an che a ni. BJP chuan he hmunah hian harsatna an siam fo a, tualchhung buaina awm te chu an party tan hman ṭangkai an tum ṭhin. BJP hian he biala hmasawnna thlentir hi a duh lo a ni", a ti.

Kumin February 14-a Pulwama-a firfiakin sipai convoy a beih chungchang pawh sawi chhuakin, India ram independence leh Constitution-te chu dinhmun derthawng takah an awm a ni tiin, BJP rorelna hnuaiah Gandhi, Subhas Chandra Bose leh Vivekananda-te zirtirna te chu theihnghilh a ni zo ta a ni, tiin a sawi.

Prime Minister Narendra Modi pawh beiin PM chu mahni intihlar tuma a hun tam zawk hmangah a puh bawk.