Bastar-a seat khata inthlanna neihah security 80,000 dah

Chhattisgarh-a Bastar Lok Sabha bialah nimin khan Lok Sabha inthlan neih a ni a, constituency pakhata inthlanna neih tur atan hian venhim hna thawk turin security force 80,000 zet dah an ni. Candidate pasarih an awm a ni.

Bastar bial hi Naxal hel hluarna hmun a nih avangin venhimna lam pawh tihkhauh a ni. Thawhlehni zan khan Naxal te chuan he constituency chhunga Dantewada district-ah pawikhawihna an thlen a, BJP MLA Bheema Mandavi leh police pali an thi a ni.

Chhattisgarh Chief Electoral Officer (CEO) office chuan Bastar bial chhunga polling station 742 chu hypersentative a puan a nih thu sawiin, Naxal ho vauna vangin polling station 289 chu hmun him lamah sawn a ni tih a sawi bawk.

He bialah hian sipai ṭhahnem tham tak duty tir an nih bakah, polling booth bulhnai leh security force camp-te chu drone hmanga vil reng a ni bawk a ni.