BJP sorkar tharah Article 370 kan ṭhiat ngei dawn : Amit Shah

BJP president Amit Shah chuan Lok Sabha inthlanpui zawha centre-a BJP-in sorkarna a siam leh hunah Jammu and Kashmir tana special status pekna, Constitution-a Article 370 chu an ṭhiat ngei dawn tih a sawi.

Amit Shah chuan Indian Air Force (IAF) ten Pakistan-a firfiak camp an beih chungchangah zawhna hrang hrang siamtu, eptu hruaitute pawh na takin a bei zui a, firfiak camp beih a nih vang hian an lawm lo niin a sawi. Balakot air strike chungchang zawt fiahtu, West Bengal Chief Minister Mamata Banerjee-i pawh sawiselin, vote zawnna hmanrua atana hmangah a puh. Banerjee-i chu Kashmir-in prime minister hran neih an duh em ni tiin a zawt leh bawk.