Russia-in PM Modi chawimawina hlan

Russia chuan Prime Minister Narendra Modi-a chu an ram chawimawina sang ber, Order of St Andrew the Apostle a hlan.

India rama Russian embassy chuan PM Modi-a chawimawina sang hlan a nih thu hi sawiin, hei hi Modi-an Russia leh India inlaichinna ṭha leh nghet zawk siamna tura a hmalakna vang a nih thu a sawi.

Kum 2017 khan China President Xi Jinping chu he chawimawina hi hlan a lo ni tawh bawk.

PM Modi hi international award eng emaw zat hlan a ni tawh a, chungte chu UAE-in a hlan Zayed Medal, Seoul Peace Prize 2018, UN Champions of the Earth Award 2018, Grand Collar of the State of Palestine, Amir Abdulla Khan Award of Afghanistan leh King Abdullaziz Sash Award of Saudi Arabia-te a ni.