Educational record dik lo thehluhah Irani puh

Congress party chuan Uttar Pradesh-a Amethi biala BJP candidate, union minister Smriti Irani chu nomination paper-ah education record dik lo thehlutah an puh.

Congress thupuangtu Priyanka Chaturvedi chuan Irani chu a thuneihna leh union minister a nihnate hmang sualah puhin, eptuten graduate a ni lo tia an sawina chu thu dik lo nia a sawi laiin, a nomination paper-ah hian Delhi University-a undergraduate course a zir thu leh, a zir chhuah loh thu a tarlang leh si a ni, a ti.

Chaturvedi chuan thu dik lo a thehluh avangin Irani chu disqualify an phut tih a sawi. "Smriti Irani hi graduate a nih leh nih loh chungchang kan buaipui ber a ni lo. A pawimawh ber zawk chu dawt a sawi hi a ni. India mipuite chuan a dawt sawi hi chiang takin an hmu dawn a ni", tiin Representation of Peoples Act-a Section 125A leh Section 33 hnuaia thil tisualah a puh a ni.

Irani hian affidavit-ah kum 1991 khan secondary school examination zoin, 1993-ah senior secondary a zo a, Delhi University hnuaia School of Open Learning-ah kum 1994 khan Bachelor of Commerce (Part-I) zir mah se a zir chhuak lo tih a sawi.

Kum 2014 inthlan dawna affidavit a thehluhah khan Irani hian kum 1994-ah Delhi university aṭangin a graduate niin a lo ziak tawh a ni.