Delhi-in sorkar laipui hnenah Rs vcb 5,000 dil

Delhi chief minister Arvind Kejriwal chuan sorkar hnathawkte hlawh pekna tura sorkar laipui ṭanpuina dilin, cheng vaibelchhe 5,000 pe turin a dil. 

Deputy chief minister Manish Sisodi chuan state dang­te hnena disaster relief fund an pek ang chu an dawng ve lo tih sawiin, hei vang hian sorkar laipui puihna hi an dil tih a sawi a ni. 

Delhi sorkar hian a hna­thawkte hlawh pekna tur leh mamawh dang atana hman turin thla tin cheng vaibelchhe 3,500 a mamawh a ni. 

Sisodia chuan virtual press conference a neihnaah, "Hripui leng vangin thla hnih kal ta chhunga GST collection chu Rs vaibelchhe 500 ve ve chauh a tling phak a ni. Hnathawkte hlawh pekna tur hian Rs vbc 7,000 tal ma­mawh a ni dawn," tiin sorkar laipui puihna an dil chhan a sawifiah. 

Sorkar laipuiin kaihhruaina a siam angin Delhi khawpuiah hian khuahkhirhna pawh kalpui a ni. 

Khawpui chhungah hian containment zone 120 chuang zet a awm a, hri kai hi 18,000 an chuang tawh bawk.