Gujarat-ah inneihna hmanga Sakhaw inleh luih tir hremna tur Bill pawm
Gujarat Assembly chuan Ningani khan inneihna hmanga sakhaw danga inleh luih tir khapna Bill an pawm a, he an Bill siam ṭhat hmang hian hetianga tilui an awm a nih chuan kum 10 thleng lung-in a tan theih dawn a ni.
Ningania an Bill pawm thar hi Kum 2003-a an lo siam tawh Bill siam ṭhatna a ni a, Gujarat Freedom of Religion (Amendment) Bill, 2021 tih niin, hmeichhia, sakhaw danga an inleh theihna tur hmanga neih luih a hluar zel lohna tur Bill niin an tarlang.
Eptu pawl lian ber Congress chuan he Bill dodal zawng hian vote thlak mah se a tlang zo lo a ni.
He Bill thar hnuaiah hian inneihna hmanga tihluihnaa sakhaw danga midang inleh tir an awm a nih chuan kum thum aṭanga kum nga an tan emaw Rs nuai thum thleng emaw an chawi thei dawn a, a rei berah kum 10 thleng pawh an tang thei dawn.
BJP rorelna hnuaia awm mek Madhya Pradesh leh Uttar Pradesh-te pawhin hetiang ang chi dan hi an lo siam tawh bawk a ni.