Lok Sabha election : Phase 2-a candidate zingah 251 in criminal case nei

Lok Sabha inthlan thawh khatna chu April 11 khan neih a ni a, a thawh hnihna chu April 18 hian constituency 97-ah neih a ni leh ang.

Inthlan thawh hnihna neih tura candidate 1,644 zinga 1,590-te affidavit chu National Election Watch leh Association for Democratic Reforms (ADR) ten zirchiangin report an tichhuak a, hetih lai hian candidate 54-te chu certificate kimchang an thehluh loh avangin zirchian an ni lo thung.

Report-in a tarlan danin candidate zinga 251 (16%) chu criminal case serious tak nei lai nin, 167 (11%) chu pawikhawihna thila thiam loh chantir an ni tawh. Candidate paruk chu tualthah thubuai neilai niin, 25 chu tualthah tuma puhna thubuai neilai niin pariat chuan mi ruboa puhna thubuai an nei bawk. Candidate 10 in hmeichhe laka pawikhawihna thlena puhna thubuai an nei a, 15 chuan inhuatna chawktho thei zawnga thu sawia puhna thubuai an nei bawk.

April 18-a inthlanna neihna tur bial 97 zinga 41 chu red alert constituency an ni a, a awmzia chu heng bial tinah hian criminal case nei lai candidate pathum aia tam an awm a ni.

Candidate zinga 423 (27%) chu cheng vaibelchhe khat chuang nei an ni bawk. BJP candidate zinga 88%, Congresss candidate 87%, DMK candidae 96%, AIADMK candidate 100% leh BSP candidate 26% te chu cheng vaibelchhe khat chuang nei an ni. Inthlan thawh hnihna neih tura candidate te sum neih hi chawh rualin mi pakhatin Rs vaibelchhe 3.90 nei anga chhut a ni.