EVM chungchangah hma la lo turin EC nawr : Siddaramaiah
Karnataka chief minister hlui Siddaramaiah chuan political party hrang hrangten vote thlakna atana hman, Electronic Voting Machine (EVM) khawih chingpen theih a nih thu leh, ballot paper hmang leh mai tura an phut chungchangah Election Commission (EC) chu hma la lo turin sorkarin a nawr a ni, a ti.
Siddaramaiah chuan EVM chu khawih chingpen theih loh a ni lo tih sawiin, Voter Verified Paper Trail (VVPAT) khawl pawh dik lo thei lo a ni bik lo tih a sawi a, Congress in sorkarna an chang a nih chuan vote thlakna atan ballot paper an hmang leh dawn tih a sawi.
Kum 2014 Lok Sabha inthlanah khan EVM te chu khawih chingpen an ni tih sawiin, Siddaramaiah chuan tun ṭum inthlanah pawh hei hi thleng leh thei reng a ni a, hemi rual hian EVM te chu a vaiin khawih an ni lo a, BJP tan majority neih theih a ni dawn lo niin a sawi bawk.
Eptu party hrang hrangte chuan EC hnenah hian EVM hman chungchangah khawih chingpen theih a nih an hlauhthawn thu te, VVPAT slip 50% tal enfiah an phut thute pawh an lo thlen tawh. Mahse eptu party aiawhten EC hi vawi tam tak hmu a, EVM chungchanga an complaint te sawi ṭhin mah se Modi-a sorkar lamin a nawr tlat vangin EC hian hma a la ngam lo a ni, tiin Siddaramaiah chuan a sawi.