Jet Airways tan emergency fund pawmsak thei lo

Leiba ngah avanga harsatna tawk mek, Jet Airways chu an harsatna sut kianna tura emergency fund a dil chu a pe theitu lamin an pawmsak theih loh vangin hun eng emaw chen airlines hi khar a ngai dawn nia sawi a ni.

Nimin khan airlines board of directors mee­ting neih niin, an harsatna sutkianna tura sum puktir tumtu ten cheng vai­belchhe 1,500 pek an lo tiam tawh chu tun thlenga an la pekchhuah theih loh avangin an awm zel dan turte an rel a ni.

Sum pek tur hi tihkhawtlai zel a nih vangin Jet Airways lam pawh an harsatna a belhchhah zel a ni. Jet Airways hian pilot, engineeer leh thawktu dangte hlawh pekna tur a ngaihtuah mek a ni.

India rama airlines lian ber lo ni tawh, Jet Airways hian aircraft 123 lo nei tawh ṭhin mah se, a leiba neih hi cheng vaibelchhe 8,000 zet a tling tawh a, tunah hian thlawhtheihna hi pasarih chauh a service tir tawh a ni.