Damdawi-inah Farooq Abdullah dah

National Conference (NC) president leh MP, Farooq Abdullah chu Covid-19 hri a kai tih hmuhchhuah a nih hnuah, kar liam ta Inrinni khan Srinagar damdawi-inah dah luh a ni tih a fapa, Omar Abdullah chuan a sawi.

Farooq Abdullah hi doctor-te thurawn angin Inrinni zing khan Soura-a Sheri Kashmir Institute of Medical Sciences-ah dah a ni thu Omar chuan a sawi a, mild symptom a nei a, a taksa a chau deuh a, mahse a ngaihtuahawm a ni lo tih a sawi a ni.

Abdullah hi kum 84 mi a ni tawh a, kum 2015 4 khan a kal thlaksak a lo ni tawh bawk. Kar liam ta Thawhlehni khan Covid-19 hri a kai tih hmuh a ni.