AIIMS doctor-ten nawrh huaihawtah vau

AIIMS resident doc­tor-te chuan campus chhunga rukrukna thleng fo ṭhin chu thuneitu lamin an ngaihven thuai loh chuan hna thawh tih tawpah an vau a, hetiang boruak him lo hnuaiah chuan damlo enkawl hna thlengin a nghawng thei dawn niin an sawi.

Resident Doctors' Asso­ciation chuan AIIMS thuneitute hnenah lehkha thehlutin, doctor duty room zawng zawngah venhimna ṭha tawk dah tura an phut thu an sawi. Hei bakah hian thuneitu lamin an lo tiam tawh angin thil ruksak zawng zawngte hnenah an thil tihbo hu zángnadawmna pe turin an phut a, AIIMS chowki-in-charge chu sawn nghal turin an ti bawk.

Doctor-te chuan hna an thawh hlanin campus chhunga duty room leh changing room-a an thil dah, thil hlu tak tak leh gadget hrang hrangte chu rukbo a ni ṭhin tih an sawi.

Heng zingah hian lap­top, mobile phone leh an mimal thil pawi­mawhte, an motor te thleng­in ruk­sak an ni fo tih an sawi. Complaint thehlut ṭhin mah se ngaihven zui a ni ngai lo niin an sawi a ni.