Muslim tihchhiat in duh chuan BJP vote rawh u : BJP leader

Bharatiya Janata Party (BJP) lea­der Ranjeet Bahadur Srivastava chuan Ningani khan Uttar Pradesh-a Barabanki-a thu a sawiah, mipuite chu Muslim tihchhiat vek an duh chuan Prime Minister Narendra Modi thlawpa BJP lama vote turin a ti.

Ranjeet Bahadur Srivastava chuan, "Kum nga kalta chhung khan PM Narendra Modi hian Muslim-te inrintawkna tihchhiat tum hian a bei a ni. Muslim pung zel tur tihchhiat in duh chuan PM Modi hi vote rawh u. Kan ramah Muslim an pung zel a, hetiang zel a nih chuan vote hmangin thuneihna an la chang thuai dawn a ni", a ti. Lok Sabha inthlan zawhah chuan BJP chuan Muslim sing tel te lu mehkawlh sakna tur khawl China aṭangin a la ang a, Hindu sakhuaah an la inleh luih tir dawn a ni, tiin a sawi.

Lok Sabha inthlan neih mekah mipuite chu BJP vote vek tura sawmin, an vote lo a nih chuan an la tuar ngei ang tiin a vau.

Uttar Pradesh-ah hian Lok Sabha seat 80 a awm a, heng zinga seat pariat-ah hian Ningani khan vote thlak a ni a, vote tla hi 67.55% a ni.