India leh US navy-ten joint exercise nei

India leh US navy-te chuan Indian Ocean-ah joint submarine-hunting exercise an nei.

Joint exercise hi April 15 khan neih a nih thu US 7th Fleet thuchhuah chuan a tarlang a, he hunah hian P-8 anti-submarine aircraft bakah guided-missile destroyer USS Spruance te hman a ni. Heng bakah hian Arakkonam, Tamil Nadu-a Naval Sation Rajali aṭangin Indian P-81 Neptune aircraft leh Patrol Squadron VP-8 "Fighting Tigers"-a US P-8A Poseidon aircraft te an tel bawk.

Spruance commanding officer, Commander Matthew Smidt chuan exercise hlawhtling tak an neih thu sawiin, an tan pawh inzirna ṭha tak a nih thu a sawi.

Kum 1991 aṭang khan India-US exercise hi neih ṭan a ni a, kum 2015 khan Japan chuan a zawm ve a ni. Nikum June thla khan ram pathumte hian Guam-ah Operation Malabar an lo nei ho tawh a ni.