Congress worker- ten Rahul-a in bulah lungawi lohna lantir

Delhi Congress leader Raj Kumar Chauhan-a thlawptu party worker ṭhenkhatte chuan Lok Sabha inthlan neih turah Chauhan hian party ticket a chang dawn lo nia sawi thawm a awm avangin nimin khan New Delhi-a party President Rahul Gandhi-a chenna in bulah lungawi lohna an lantir.

Party worker kalkhawmte hian candidate atana Raj Kumar Chauhan an duh thu leh, pawn lam mi candidate atana ruat chu an pawm theih loh tur thu thuziakte an keng lang a ni.

Delhi-a Lok Sabha seat pasarih atana party candidate tur hi tihfel a la ni lo a, hetihlai hian Chauhan hian seat a chang pha dawn lo nia sawi thawm a awm vangin amah thlawptu te hi an lungawi lo a ni.