EC-in journalist-te khuahkhirhna thupek sût
Election Commission chuan an headquarters-a journalist leh media person-te luh dan kawnga khuahkhirhna a siam chu nimin khan a sût.
Inrinni zing khan EC hian an headquaters, Nirvachal Sadan building-a journalist leh media person lut turte chuan chief electoral officer emaw, electoral officer office hnen aṭangin ziaka phalna an la hmasa phawt ang a, hemi hnuah hian reception officer chuan entry pass a pe thei chauh ang tiin thupek a siam a ni. He thupek tihchhuah hian mak tih a hlawh hle a, EC hian journalist-te khuahkhirhna lam thupek a tihchhuah vawi khatna a nih avangin sawizui pawh a hlawh hle a ni. Mahse nimin khan senior EC officer chuan he thupek hi tihpalh thila tihchhuah a ni tiin, sût leh nghal a nih thu a sawi.
Officer chuan media mite lakah eng khuahkhirhna mah siam a ni dawn lo tih sawiin, standard protocol angin EC emaw, CEO officer emaw hnen aṭanga ziaka phalna la kher loin, reception officer hnen aṭang chuan pass hi an la thei mai a ni, a ti.