Chief Justice Of India thar tur Justice NV Ramana

President Ram Nath Kovind chuan Chief Justice of India thar tur atan Justice NV Ramana chu a ruat. Justice NV Ramana hian April 24-ah rinawmna thu a tiam ang.

Thla hmasa khan Chief Justice of India (CJI) nilai mek SA Bobde chuan a retire huna amah thlaktu turin Justice NV Ramana hi a lo rawt tawh a, Bobde hi April 23 hian a retire tawh dawn a ni.

Chief Justice Of India thar tur NV Ramana hi Andhra Pradesh-a Krishna district lam chhuak a ni a, August 27, 1957-a piang niin loneitu chhungkua aṭanga seilian a a ni. India ram judge sang ber hna hi kum khat leh thla li vel a chelh hman dawn a, August 26, 2022-ah a retire ang.

Andhra Pradesh aṭanga CJI ni thei pahnihna tur a ni dawn bawk a, CJI pakuana Justice K Subba Rao kha Andhra Pradesh aṭanga CJI ni thei hmasa ber a ni a, Ramana hian a pahnihna tur a ni dawn.

Justice Ramana hi Andhra Pradesh High Court, Central and Andhra Pradesh Administrative Tribunals leh Supreme Court of India-a civil, criminal, constitutional, labour, service leh election-ahte a lo thawk tawh ṭhin a, constitutional, criminal, service leh inter-state river law-te chu a specialise-na a ni.

June 27, 2000 khan Andhra Pradesh High Court Judge atan ruat a ni a, March 10, 2013 aṭanga May 20, 2013 Andhra Pradesh High Court-ah acting CJI hna a chelh bawk. Delhi High Court Chief Justice-ah kum 2014 khan a kaisang a, kum 2014 aṭang khan India ram Court sang berah hian judge a ni bawk. 

Justice Ramana hi CJI 48-na tur a ni ang.