Ni khatah mi nuai 43 chuang hnenah Covid-19 vaccine pe

Ram pumah Covid-19 pek hna kalpui chhunzawm zel a ni a, Thawhṭanni khan mi 43,00,966 hnenah vaccine hi pek niin, ni khatah vaccine pek tam ber ni a ni.

Union health ministry chuan vaccine hi dose 8,31,10,926 pek chhuah a ni tawh tih sawiin, heng zinga 60% chu Maharashtra, Gujarat, Rajasthan, Uttar Pradesh, West Bengal, Karnataka, Madhya Pradesh leh Kerala-ah pek a ni, a ti.

Thawhṭannia vaccine pek zingah hian mi 39,00,505 hnenah a dose khatna pek niin, a dose hnihna la hi mi 4,00,461 an awm bawk.

January 16 aṭang khan ram pumah Covid vaccine pek chhuah ṭan a ni a, a thawh khatnaah healthcare leh frontline worker-te hnenah pek niin, a thawh hnihnaah kum 60 chunglam leh, kum 45 chin natna benvawn neite hnenah pek a ni. A thawh thumna kalpui mek niin, kum 45 chung lam hnenah vaccine hi pek mek a ni.