EC-in Congress hruaitu darkar 72 chhung campaign khapsak

Election Commisison of India chuan Congress party hruaitu leh Punjab minister Navjot Singh Si­dhu chu Lok Sabha in­thlan­pui neih mekah, Bihar-a rally a neihnaa sakhaw tihbik nei zawnga thu a sawi avangin darkar 72 chhung campaign a khapsak.

Party hruaitu hremna hi nimin chawhma dar 10:00 aṭang khan kalpui ṭan a ni.

Cricketer-turned-poli­tician, Sidhu hian kar hmasaa Katihar, Bihar-a rally neihnaa thu a sawiah, Muslim voter-te chu an party vote tur leh, Prime Minister Narendra Modi chu hneh ngei turin a sawm a ni. A thusawi avang hian EC hnenah complaint thehluh nghal a ni a, model code of conduct palzut zawnga election campaign a neih vang hian darkar 72 chhung hrem a ni ta a ni.

Sidhu hrem a nih hma hian EC chuan Bahujan Samaj Party (BSP) hotu Ma­yawati, Uttar Pradesh Chief Minister leh BJP hruaitu Yogi Adityanath, BJP leader Maneka Gandhi leh Samajwadi Party hruaitu Azam Khan-te pawh ṭawng­kam mawi lo tak hmang leh MCC an bawhchhiat avangin a lo hrem tawh bawk.