Lokpal office lailawk atan 5-star luxury hotel hmang dawn
Ramchhunga anti-corruption ombudsman hmasa ber, Lokpal office lailawk atan Delhi-a five-star luxury hotel chu hman a ni rih dawn niin official-ten an sawi.
Lokpal chairperson, member pariat leh staff dangte chu office lailawk atana hman tur, Chanakyapur-a 'The Ashok' hotel-ah an awmna tur hi ruahman sak an ni dawn a ni.
President Ram Nath Kovind chuan March 23 khan Lokpal chairperson hmasa ber turin Justice Pinaki Chandra Ghose chu rinawmna thu tiamtirin a lalut a, March 27-ah Lokpal member pariatte chu Justice Ghose hian a lalut ve leh a ni.
Lokpal member te chu high court hrang hranga chief justice hlui - Dilip B Bhosale, Pradip Kumar Mohanty, Abhilasha Kumari leh Ajay Kumar Tripathi te bakah Sashastra Seema Bal (SSB) chief hlui Archana Ramasundaram, Maharashtra chief secretary hlui Dinesh Kumar Jain, IRS officer hlui Mahender Singh leh Gujarat cadre IAS officer hlui Indrajeet Prasad Gautam-te an ni.