Sipai tan MPV lei belh dawn

Sorkar laipui chuan paramiliary force hman turin mine-protected vehicle (MPV) pakua a lei belh dawn. Hengte hi tharum thlawhna thlen hluarna - Jammu and Kashmir leh Chhattisgarh-ahte hman a ni dawn niin Ministry of Home Affairs official-te chuan an sawi.

MHA official chuan paramilitary force tana MPV, bullet-proof jacket leh ambulance leh hmanraw dang leina tur hian cheng vaibelchhe 613.96 sanction a ni tih a sawi. Hei bakah hian National Security Guard (NSG) te hman turin remotely-operated vehicles (ROVs) pasarih leina tur cheng vaibelchhe 16.84 dah a ni bawk.

Central Reserve Police Force (CRPF) te chuan Naxal hel hluarna hmun leh J&K-ah MPV hi an hmang a, motor pakhatah hian mi paruk zel an chuang thei a ni. MPV lei belh tur hian sipaiten tha a tihchak phah hle dawn niin official chuan a sawi. RoV hi NSG ten building chhung, bus, metro train leh rel station enfiahna atana an hmang bawk a, IED zawna kawngah leh a sutna kawngah pawh a pui thei hle a ni.