PDP hruaitu hluiin political party thar din

Jammu and Kashmir-a Peoples Democratic Party (PDP) hruaitu hlui, Syed Altaf Bukhari chuan Pathianni khan political party thar, Jammu and Kashmir Apni Party (JKAP) a din. 

JKAP a din thu a puannaah, Bukhari chuan J&K chu state-a dah let leh a nih theihna tur te, a leilung fate hna leh zirna kawnga an dikna chanvo dik tak an neih theihna turin a thawk dawn tih a sawi. BJP kaihhruai sorkar laipuiin state aṭanga union territory-a a dah chu thil huathlala awm tak a nih thu a sawi bawk. 

Party thar puanna inkhawm hi a chenna inah neih a ni a, JKAP president atan Bukhari hi lungrual taka thlan zui a ni bawk. An party chu National Conference, PDP, Congress leh BJP hruaitu eng emaw zatin an zawm dawn tih a sawi. Bukhari-a'n JKAP chu mipui mimir tana din a ni tih sawiin, mipuite tana thawktu tur a ni, a ti. Thuneihna neih chaka rilṭam an ni lo a, hnathawk tura din an ni, a ti.