Military Police-ah hmeichhia la dawn

Indian Army chuan Soldier General Duty (Women Military Police)-ah mi 100 a la thar dawn. Hei hi general duty atana hmeichhia lak an nih ṭum khatna tur a ni.

Women Military Police dil turte tan online registration tih a ngai a, nimin aṭang khan registration tih hun hi hawng ṭanin June 8 thleng dil theih a ni ang. Diltu chu kum 17-21 inkar an ni tur a ni a, mahse Defence mi leh sa, an duty-na hmuna thi te nupui dil duh an awm chuan heng mite tan bik hi kum 30 thleng ngaihnathiam an ni ang.

Diltute hnenah hian admit card hi an regis­tered e-mail kal­tlang­in thawn an ni dawn a, recruitment rally hi Ambala, Lucknow, Jabalpur, Bangalore leh Shillong-ah buatsaih tum a ni. Written test chu Common Entrance Exa­mi­nation (CEE) kaltlanga neih a ni ang.