Hmeichhe 250-ten SC judge-te hnenah ngenna siam

Mipat hmeichhiat lam hawia mawi lo taka che a Chief Justice of India Ranjan Gogoi-a puh chungchang ngaihtuahnaah dik tak leh hleih nei loa rorel turin hmeichhia 250 chuang ten Supreme Court judge-te hnenah ngenna an thehlut. Ngenna thehlut zingah hian lawyer, activist, social worker leh academics te an tel.

CJI puhna chungchang ngaihtuahtu tur special enquiry committee din tura ngenin, a chhui hna hi zawhfel a nih hma chuan CJI chu official duty tur ruat leh a mawhphurhna dangte pawh la rih loh turin an ngen bawk. CJI chungchang hi Sexual Harassment of Women at Workplace Act, 2013 hmanga chhui an phut bawk a ni.

SC judge-te hnena ngenna an thehluhah, CJI chuan puh a nihna chung chang chhui chiang tura in-house committee ruat turin SC-a judge senior ber dawttu, Justice SA Bobde-a ngen niin hmeichhe rualte chuan an sawi. Hemi hnu hian Justice Bobde chuan a chairman-na hnuaiah committee dinin, Justice NV Ramana leh Indira Banerjee-te chu member atan a ruat tih an sawi bawk.