SCO Defence Ministers' Meet-ah Sitharaman

Defence Minister Nirmala Sitharaman-i chu nimina Bishkek, Kyrg­yzstan-a Shang­hai Cooperation Orga­nisation (SCO) Defence Ministers' Meet-ah a tel.

Minister hi ni thum a cham dawn a, sum­mit neih kar lakah SCO member dangte chu inbiakna a neihpui dawn a ni. SCO member ram pariatte hian firfiak chetna do letna kawnga thawhhona ṭha zawk siam dante an ngaihtuah a ni. Hei bakah hian Afghanistan ramchhung dinhmun leh Taliban nena inbiakna an neih mek te, SCO member-te insumdawn tawnna tihlen dan chungchangte an sawiho bawk.

Kum 2018 khan India hi a vawi khatna atan SCO Defence Ministers' Meet-ah a tel a ni. Hemi ṭum pawh hian Sithara­man-i chuan India-in Eura­sion bialah zau zawka thawhhona neih a duh thute a lo sawi tawh a ni.

Nikum vek khan SCO defence exercise chu neih a ni a, he joint exercise hi Central Military Co­mmi­ssion of Russia kaih­hruainain Chebarkul, Chelyabinsk-ah neih a ni.

Shanghai Cooperaton Organisation (SCO) hi June 15, 2001 a din a ni a, a tirah chuan mem­ber paruk - China, Kazakhstan, Kyrgyztan, Russia, Tajikistan leh Uzbeksitan-te an tel. Kum 2017-a Astana, Kazakshtan-a summit an neihah khan India leh Pakistan te chuan zawm ve lehin member pariat an ni ta a ni.

SCO-ah hian Heads of State Council (HSC) chu thuneitu sang ber niin, kum khatah vawi khat an inhmu khawm a, pawl tana thutlukna pawimawh leh inkaihhruaina te an siam ṭhin.