Bangladesh-ah Army Chief Gen Naravane a zin

Chief of Army Staff General MM Naravane chu nimin khan ni nga cham turin Bangladesh-ah a zin. Prime minister Narendra Modi chuan kir hnih liam ta khan Bangladesh hi a lo tlawh tawh bawk.

Nimin khan Gen Naravane hian Bangladesh liberation war-a sipai thite zahna a hlan a, hemi hnu hian service pathuma hotute chu a hran ṭheuhin meeting a neihpui leh nghal a ni. April 11 hian Bangladesh foreign minister nen meeting an nei ang.

Army thupuangtu Colonel Aman Anand chuan Army Chief-in Bangladesh a tlawh hian ram pahnih sipaite inkarah thawhdunna leh inzawmna ṭha zawk a siam ngei a beisei thu a sawi.

Col Anand chuan Gen Naravane hian April 12-ah UN peacekeeping misison-a force commander-te a hmu dawn a, Royal Bhutanese Army-a deputy chief operation officer nen pawh an inkawm dawn tih a sawi. UN ruahmanna counter-terrorism exercise 'Shantir Ogrosena' neih mek, April 12-a a kharna inkhawm neih tur pawh a telpui dawn a ni. He exercise-ah hian Bangladesh leh India sipaite bakah Bhutan leh Sri Lanka sipaite an tel a, US, UK, Turkey leh Saudia Arabia aṭangin observer an tel bawk a ni.