PM Modi-a'n vaccine dose hnihna la

Prime minister Narendra Modi chuan nimin khan AIIMS, Delhi-ah Covid-19 vaccine dose hnihna a la.

PM Modi hian vaccine dose khatna a lak aṭanga a ni 37-naah a dose hnihna hi a la ni. March 1-a vaccine pek chhuah thawh hnihna, kum 60 chung lam leh kum 45 chin, natna benvawn neite hnena pek a nih ṭan ni khan Modi hian vaccine dose khatna hi a la a ni.

Modi chuan a vaccine la lai thlalak hi a twitter-ah dahin, vaccine lak chu he virus leng mek hneh theihna kawng tlemte zinga mi a ni tih a sawi a, vaccine la thei tura bithliah chinte chu vaccine hi la vek turin a sawm nghal bawk. PM hian Bharat Biotech leh Indian Council of Medical Research (ICMR) siam Covaxin a la a ni.