Attari-Wagah border-a daily retreat ceremony ṭhulh

Wagah border kaltlanga India kuta IAF pilot hlan a nih dawn avang hian Attari-Wagah border-a Border Security Force (BSF) ten daily retreat ceremony an neih ṭhin chu nimin atan bik ṭhulh a ni. BSF official chuan thuneitute lam ngenna avangin an ṭhulh tih a sawi. BSF hian ramri-ah hian daily retreat ceremony hi Pakistan ramri vengtu, Pakistan Rangers-te nen an nei ṭhin. He hun hian ram pahnih sipaite parade neiin, flag chu tihhniam a ni ṭhin. Retreat ceremony hi thlasik laiin tlai dar 4:25 leh nipui laiin tlai dar 5:15 ah neih a ni ṭhin a, minute 45 chhung hun an hmang ṭhin.