J&K-a inbeihnaah sipai 5 leh civil mi pakhat thi

Jammu and Kashmir-a Kupwara district-a firfiak leh sipaite inbeihna-ah sipai panga leh civil mi pakhat an thi.

Kar kalta Zirtawpni aṭang kha Kupwara district-ah hian sipai leh firfiakte hi an inbei a, nimin khan firfiak pahnih kahhlum an ni. Zirtawpnia inbeihna-a hliam tuar, Central Reserve Police Force (CRPF) jawan pakhat chu a hliam tuar loin nimin khan a thi. Ani tel hian CRPF sipai pathum leh Jammu and Kashmir police pahnihin nunn an an chan tawh a, midang pariatin hliam tuarin an zingah hian commandant pawh a tel.

Zirtawpni-a inkahnaah civil mi pakhat chu kahhlum tel a ni bawk a, midang eng emaw zatin hliam an tuar a ni.

Indian Army-a 22 Rashtriya Rifle, 92 Battalion CRPF leh Special Operations Group (SOG) te chuan firfiak an awm thu an dawn avangin Zirtawpni aṭang khan Langate-a Khanan Babagund-ah hian beihpui an thlak a ni.