Masood Azhar-a unaupa-in JeM camp an kapfuh tih a sawi

Pakistan-a inkhuar, Jaish-e-Mohammad (JeM) firfiak pawl hotu Mashood Azhar-a unaupa Maulana Ammar chuan Indian Air Force (IAF) ten Pakistan-a airstrike an neih khan Balakot-a JeM training camp an bomb fuh ngei tih a sawi.

Audio message-ah Maulana Ammar-a'n Indian fighter jet-ten training camp an bomb thu leh, a chhiat nasat thu a sawi lai hriat tur a awm a ni. Hemi rual hian Indian aircraft-te hian eng agency mah an bomb fuh lo a, an headquarters pawh an bei lo a, mahse firfiak pawlin training an pekna ṭhin school a fuh niin a sawi. An camp beih a ni chu chhang let turin an pawl mi leh sate chu a fuih nghal bawk.

Hetihlai hian India lam chuan kar kalta Thawhlehni-a IAF-ten Line of Control (LoC) kaltlanga Pakistan-a JeM camp an beihnaah khan bomb kg 1,000 vel zet thlakin firfiak ṭhahnem tham tak leh an trainer-te an thi niin a sawi thung a ni.